Lajmi i fundit

TASK FORCE/ Narcos-Xibraka, Olsi Rama në krye të bandës?

Tjetër sulm terrorist me bombë, 10 civilë të vrarë në Afganistan

Tjetër sulm terrorist me bombë, 10 civilë të vrarë në Afganistan

17:37, 13/12/2019
A+ Aa A-

Dhjetë njerëz u vranë nga shpërthimi i një bombe të vendosur në rrugë, në lindje të Afganistanit, njoftuan zyrtarët.

Në mesin e viktimave janë katër gra dhe një fëmijë, raporton Rel.

Incidenti ndodhi në rajonin e paqëndrueshëm të Jaghatu, në provincën Ghazni.

Të gjitha viktimat e shpërthimit ishin civilë, tha Aref Noori, një zëdhënës i guvernatorit të provincës, duke shtuar se gjashtë persona tjerë u plagosën.

Zyrtarët thanë se bomba e vendosur në rrugë kishte në shënjestër forcat e sigurisë afgane.

Ende askush nuk e ka marrë përgjegjësinë për sulmin, por zyrtarët fajësuan talibanët për incidentin.

Në fillim të kësaj jave, talibanët ndërmorën një sulm pranë Bagramit, një bazë e madhe ajrore amerikane.

Ky është incidenti i dytë brenda dy javëve të fundit në këtë rajon. Në incidentin e mëparshëm, një person humbi jetën dhe një tjetër u plagos nga një bombë e vendosur në rrugë.

© SYRI.net

Lexo edhe:

Komentet

Shto koment

Denonco