Izraeli drejt zgjedhjeve të reja/ Pas Netanyahut edhe Gantz dështoi në formimin e qeverisë

Izraeli drejt zgjedhjeve të reja/ Pas Netanyahut edhe Gantz dështoi në formimin e qeverisë

19:07, 21/11/2019
A+ Aa A-

Benny Gantz, konkurenti kryesor i kryeministrit izraelit, Benjamin Netanyahu ka dështuar të formojë qeverinë e re, që nënkupton se ka mundësi të mbajtjes së zgjedhjeve të reja parlamentare.

Partia Blu dhe Bardhë e Gantzit ka bërë këtë njoftim pak para se të përfundonte afati i fundit për të formuar qeverinë, raporton Rel.

Gantz ka thënë se ka informuar presidentin e Izraelit, që nuk ka arritur të përmbushë kërkesën e tij, mirëpo ka thënë se do të bëjë përpjekje për të formuar qeverinë për të mirën e shtetit.

Gantz dhe Netanyahu kanë shënuar rezultat të ngushtë në zgjedhjet e mbajtura muaj më parë.

Netanyahu nga e djathta ekstreme ka dështuar po ashtu të formojë qeverinë muajin e kaluar, pasi dy parti të mëdha kanë refuzuar të bashkëpunojnë në të ashtuquajturin koalicion të madh.

Nëse nuk arrihet pajtueshmëri për formim të qeverisë brenda 21 ditëve, zgjedhjet e reja në Izrael do të mbahen në muajin mars.

© SYRI.net

Lexo edhe:

Komentet

Shto koment

Denonco