Venecia – Venecia po merr pak frymë sot, të hënën, prej përmbytjes më të keqe që i ka ndodhur në 50 vjet. Qyteti lagunë u përpoq për bënte një fillim të ri, pas ditës së tretë nën ujërat e larta mbi 150 cm javën e fundit, përfshirë një përmbytje katastrofike që shkaktoi vdekjen e dy personave të martën.
Shkollat dhe muzeumet u hapën të hënën dhe barkat e lundrimit nisin t’i bien kryq e tërthor qytetit ujin sërish, njoftoi ANSA. Autoritetet dhe biznesi vazhduan të përllogarisin kostot e përmbytjes, që pritet të shkojnë në qindra milionë euro.
Ndërkohë, një gjendje alarmi për nivelin e ujit ka mbetur ende në fuqi. Kryetari i bashkisë Luigi Brugnaro e mbylli sheshin San Mark të dielën për shkak të përmbytjeve.
Qyteti është gjunjëzuar qëkurse përjetoi përmbytjet më të këqija të martën që arritën në lartësinë 187 cm..
Kostoja e dëmit, që nuk e kurseu Bazilikën e San Markut vlerësohet qindra milionë euro dhe kjo ka bërë që qeveria të shpallë gjendjen e jashtëzakonshme në qytet./SYRI.NET
© SYRI.net