Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

FOTO/ Përmbytjet në Venecia, Conte: Goditje në zemrën e vendit, gati 'gjendja e jashtëzakonshme'

FOTO/ Përmbytjet në Venecia, Conte: Goditje në zemrën e vendit, gati 'gjendja e jashtëzakonshme'

16:31, 14/11/2019
A+ Aa A-

Italia do të shpallë gjendje të jashtëzakonshme, pasi qyteti i Venecias u përfshi nga nivelet e larta të ujit prej 1.87 metra, duke përmbytur bazilikën e tij historike dhe duke shkaktuar ndërprerje të energjisë.

Më shumë se 80 për qind e qytetit, i cili gjenden në listën e UNESCO-s për trashëgiminë botërore është nën ujë, si pasojë e përmbytjeve, sipas Rel.

Kryeministri i Italisë, Giuseppe Conte, e përshkroi përmbytjen si "një goditje në zemrën e vendit tonë".

Ai tha se qeveria tani do të veprojë shpejt për të siguruar fonde dhe burime.

Gjatë ditës se enjte pritet të shpallen masat emergjente që do të ndërmarrë qeveria italiane.

Kryetari i Bashkisë së Venecias, Luigi Brugnaro, fajësoi ndryshimet klimatike për nivelin e lartë të ujit.

 Këto nivele të ujit, nuk janë shënuar në më shumë se 50 vjet dhe autoritetet thonë se kjo gjendje do të lerë pasoja të përhershme.

Sheshi i Shën Markut - një nga pjesët më të ulëta të qytetit - ishte një nga zonat më të goditura.

     

    © SYRI.net

    Lexo edhe:

    Komentet

    Shto koment

    Denonco