Vritet me raketë komandanti i Xhihadit Palestinez, Izraeli mer përsipër sulmin

Vritet me raketë komandanti i Xhihadit Palestinez, Izraeli mer përsipër sulmin

17:04, 12/11/2019

Izraeli tha se ka vrarë një nga komandantët më të lartë të një grupi militant në Rripin e Gazës.

Baha Abu Al-Ata, udhëheqës i Xhihadit Islamik Palestinez, u vra së bashku me gruan e tij, kur raketa goditi shtëpinë e tyre, sipas Rel.

Izraeli tha se Al-Ata po planifikonte "sulme të menjëhershme terroriste".

Xhihadi Islamik Palestinez u zotua se do të hakmerret për vrasjen e tij.

Grupi, i cili mbështetet nga Irani është organizata e dytë më e madhe militante në Gaza dhe ka kryer shumë sulme me raketa ndaj Izraelit.

Grupi militant palestinez i Hamasit, i cili udhëheq Rripin e Gazës dhe konsiderohet rival i Xhihadit Islamik Palestinez, e dënoi vrasjen e Al-Atas dhe tha se "nuk do të kalojë pa ndëshkim".

Shumë shpejt pas lajmit për vrasjen, militantët hodhën disa raketa në drejtim të Izraelit, por nuk u raportua për të plagosur apo dëme të tjera.

© SYRI.net

Lexo edhe:

Komentet

Shto koment

Denonco