Seul – Televizioni shtetëror i Koresë së Veriut KCNA njoftoi të premten se lëshuesit e shumëfishtë të raketave shumë të mëdha, një ditë më parë, kishin pasur sukses, por testimi i tyre provokoi protesta në shtetet fqinje si Japonia dhe Koreja e Veriut.
Televizioni koreanoverior tha se prova e fundit e lëshuesve të shumëfishtë të raketave shumë të mëdha, pas dy provave të të njëjtës armë në gusht dhe në shtator të mbikqyrura nga lideri i Koresë së Veriut Kim Jong Un, treguan përparimin që po bëjnë për zhvillimin e armëve, ndërkohë që bisedimet me SHBA mbeten në harresë.
Gazeta shtetërore e Koresë së Veriut, Rodon Sinmun, publikoi një foto të lëshuesit të shumëfishtë të raketave, të rrethuar nga flakë të verdha dhe tym.
Testi i së enjtes tregoi se “sistemi i vazhdueshëm i zjarrit” i lëshuesve të shumëfishtë të raketave ishte në gjendje “të shkatërronte totalisht” një objektiv të armikut me një goditje të befasishme, tha KCNA.
Senatori republikan amerikan Cory Gardner, kryetar i Nënkomitetit të Marrëdhënieve me Jashtë të Senatit për Azinë Lindore e Paqësorin dhe tha se Koreja e Veiut ishte e vendosur për t’i përshkallëzuar veprimet e saj.
“Ky lëshim dhe agresioni në vazhdimësi i Koresë së Veriut nënvizon nevojën që administrata Trump të riangazhohet në politikën e presionit maksimal” dhe që Kongresi të vendosë sanksione shtesë kundër qeverisë së Kim, tha Gardner në një deklaratë.
© SYRI.net