Ish-shefi ushtarak Benny Gantz mori një mandat zyrtar të mërkurën, për të provuar formimin e qeverisë së ardhshme të Izraelit, por pa e pasur rrugën e lehtë, për t'i dhënë fund mbajtjes së postit të kryeministrit nga Benjamin Netanyahu.

Pas zgjedhjeve në prill dhe shtator, mandatimi i Gantz shënoi për herë të parë që nga viti 2008, që dikujt tjetër përveç Netanyahu, i është kërkuar nga presidenti i Izraelit, të ndërtojë një koalicion qeverisës, sipas Reuters.

Kreu i partisë ‘Blu dhe Bardhë’ Gantz, do të ketë 28 ditë kohë për të përfunduar detyrën e caktuar nga Presidenti Reuven Rivlin.

Dështimi mund të çojë në zgjedhje të reja, të tretat brenda një viti.

"Të gjithë presin që ne ti japim fund kaosit politik" tha Gantz, duke pranuar mandatimin nga presidenti.

Presidenti Rivlin i dha mundësinë Netanyahut të formojë një qeveri. Por kryeministri, i cili udhëheq partinë e krahut të djathtë ‘Likud’, tha të hënën se po braktiste përpjekjet për krijimin e qeverisë, duke i hapur rrugën Gantz, rivalit të tij më të fortë.

Zëvendësimi i Netanyahut të dobësuar pas një dekade në detyrë, mund të jetë i vështirë pa një zhvendosje të rëndësishme të aleancave politike.

Gantz, 60 vjeç, deri më tani refuzuar ofertën e Netanyahu për ‘Blu dhe Bardhët’ për t'u bashkuar me ‘Likud’ në një qeveri të "uniteti kombëtar", duke përmendur aktakuza kundër kryeministrit. Netanyahu i mohon akuzat.

Ushtaraku Gantz, i cili drejtoi ushtrinë e Izraelit nga 2011 deri në 2015, ka miratimin e vetëm 54 ligjvënësve, shtatë më pak se një shumicë parlamentare që as ai, as Netanyahu nuk mund t'i menaxhonin në votimin e muajit të kaluar, as në votimin në prill.

Gantz gjithashtu ka refuzuar përfshirjen e partive ultra-ortodokse herreje, disa prej aleatëve tradicionalë të Netanyahu në administratën e tij.

Në fjalën e tij pranuese, Gantz foli për "pajtimin kombëtar", por përshkroi një qeveri të ardhshme, që mund të përjashtojnë ultra-ortodoksët.

"Unë premtova të krijoj një qeveri të ‘unitetit liberal’ dhe kam ndërmend ta bëj," tha ai, duke krijuar një administratë që ndjek një axhendë laike, siç është hapja më e gjerë e bizneseve në Sabatin hebre.

Dallimet u shfaqën gjithashtu në bisedimet e koalicionit mbi propozimin e Rivlin për një kryeministër të rradhës, duke përfshirë një leje të mundshme të mungesës për Netanyahu nëse ai akuzohet.

Prokurori i përgjithshëm i Izraelit pritet të njoftojë vendimin e tij për akuzat deri në fund të vitit.

Negociatorët nga ‘Blu and Bardhë’ dhe ‘Likud’ planifikuan të takohen përsëri të enjten.

Në një deklaratë, ‘Likud’ përsëriti thirrjen e tij për një qeveri me koalicion të gjerë, një nyje për përfshirjen e ultra-ortodoksëve.

Netanyahu mbetet kryeministri i përkohshëm deri sa të krijohet një qeveri e re.

Ai ka qenë kryeministër radhazi që nga 2009, pas një mandati të parë nga 1996 në 1999, duke e bërë atë udhëheqësin më jetë gjatë të Izraelit.