Protestat e dhunshme rrisin bilancin e viktimave, 10 personave të vdekur në Kili

Protestat e dhunshme rrisin bilancin e viktimave, 10 personave të vdekur në Kili

17:36, 21/10/2019

Gjatë protestave të dhunshme dhe në sulmet me zjarrvënie gjatë fundjavës në disa qytete në Veri dhe Jug të Kilit, të paktën 10 persona u vranë.

Presidenti i vendit Sebastian Pinera, në një deklaratë televizive nga selia e ushtrisë në Santiago, tha se: “Jemi në luftë kundër një armiku të fuqishëm, i cili është i gatshëm të përdorë dhunën pa asnjë kufi”.

Gjatë deklaratës, ai konfirmoi se gjendja e jashtëzakonshme e shpallur në Santiago të shtunën mbrëma, do të shtrihet edhe në qytete të tjera.

Protestat, e drejtuara nga studentët, filluan dy javë më parë kundër rritjes së tarifave në transportin publik.

Ato u zgjeruan më pas në një lëvizje kundër kostos së jetesës dhe pabarazisë.

Ministri i Brendshëm i Kilit Andres Chadwick, duke folur para gazetarëve, tha se ka pasur 70 “incidente serioze të dhunës”, përfshirë 40 grabitje të supermarketeve dhe bizneseve të tjera.

“Po përballemi me një përshkallëzim të vërtetë të situatës që është padyshim i organizuar për të shkaktuar dëme serioze në vendin tonë dhe në jetën e secilit prej qytetarëve”, tha ai.

Chadwick konfirmoi se rreth 10,500 policë dhe ushtarë janë vendosur në rrugë.

Sipas autoriteteve, më shumë se 1,400 njerëz u arrestuan në të gjithë vendin.

Presidenti pezulloi të shtunën rritjen e çmimit të biletes se metrosë në Santiago.

© SYRI.net

Lexo edhe:

Komentet

Shto koment

Denonco