Presidenti turk Rexhep Tajip Erdogan ka refuzuar thirrjen e SHBA-ve për një armëpushim të menjëhershëm në veri të Sirisë.

“Ata thonë “shpallni armëpushim”. Ne kurrë nuk do të shpallim armëpushim”, u shpreh Erdogan para gazetarëve.

“Ata po na bëjnë presion për të ndaluar operacionin. Ata po shpallin sanksione. Qëllimi ynë është i qartë. Ne nuk shqetësohemi për asnjë sanksion”, ka shtuar ai.

Komente të Erdogan vijnë përpara një vizite në Turqi nga Zëvendës Presidenti dhe Sekretari i Shtetit Amerikan.

Turqia nisi një ofensivë të krijuar për të larguar trupat kurde pasi aleati i tyre kryesor, SHBA, u tërhoq.

Rusia, e cila mbështet Sirinë, ka thënë se parandalon përleshjet midis forcave turke dhe siriane të cilat tani janë zhvendosur në zonë pas një marrëveshje me kurdët.

Turqia i konsideron elementët e Forcave Demokratike Siriane (SDF) të udhëhequra nga kurdët një organizatë terroriste dhe duan t’i largojnë ato nga zona kufitare.

Ankaraja gjithashtu thotë se dëshiron të krijojë një “zonë të sigurt” që arrin rreth 30 km (20 milje) në Siri për të rivendosur deri në dy milion refugjatë sirianë aktualisht në Turqi.

Siç shkruan BBC, forcat siriane – të cilat mbështeten nga Rusia – përparuan në veri gjatë fundjavës pas një marrëveshjeje me kurdët në përpjekje për të mbajtur mbrapa operacionin turk.