400 talibanë sulmuan stacionin e policisë, vriten 11 policë në Afganistan

400 talibanë sulmuan stacionin e policisë, vriten 11 policë në Afganistan

17:16, 01/10/2019
A+ Aa A-

 

Së paku 11 policë u vranë nga një sulm i talibanëve në stacionin e tyre, në provincën Balkh të Afganistanit.

Munir Ahmad Farhad, zëdhënës i guvernatorit të provincës, tha se një grup prej më shumë se 400 talibanësh me motoçikleta e sulmuan stacionin në qarkun Shortepa, raporton Rel.

"Njëmbëdhjetë oficerë të policisë u vranë në sulm. Talibanët gjithashtu pësuan humbje të mëdha", tha Farhad.

Zëdhënësi i talibanëve, Zabihullah Mujahid, tha se kryengritësit e kanë marrë nën kontroll rrethin, por Farhad e mohoi këtë pretendim.

Sulmet e talibanëve kanë vazhduar edhe gjatë fushatës së zgjedhjeve presidenciale në Afganistan, që janë mbajtur më 27 shtator.

Paqja atje duket e largët, sidomos që nga tërheqja, javë më parë, e Shteteve të Bashkuara nga një proces i bisedimeve me talibanët, qëllim kryesor i të cilave ka qenë nënshkrimi i armëpushimit.

© SYRI.net

Lexo edhe:

Komentet

Shto koment

Denonco