Franca mosbesuese, dërgon ekspertë për të hetuar sulmet mbi naftën saudite

Franca mosbesuese, dërgon ekspertë për të hetuar sulmet mbi naftën saudite

18:12, 19/09/2019
A+ Aa A-

Franca ka dërguar shtatë ekspertë ushtarakë për të hetuar sulmet e kësaj fundjave në objektet e naftës saudite, përfshirë specialistë eksplozivësh, raketash dhe sistemesh mbrojtjeje tokë-ajër, tha një zëdhënës i ministrisë së Mbrojtjes.

Më herët gjatë ditës, ministri i Jashtëm francez, Jean-Yves Le Drian, gjithashtu njoftoi për dërgimin e ekspertëve, raporton Rel.

Ai tha se një pretendim nga rebelët Houthi të Jemenit, që ata ishin përgjegjës për sulmin ndaj objekteve të naftës saudite, nuk ishte "shumë i besueshëm".

Më 14 shtator, ndodhën disa sulme në rafineritë e naftës në Arabinë Saudite.

Përgjegjësinë e morën rebelët Huthi në Jemen që gëzojnë mbështetjen e Iranit.

Shtetet e Bashkuara fajësuan Iranin për sulmet përderisa ministria e Mbrojtjes në Arabinë Saudite ka prezantuar disa mbetje të dronëve dhe raketave, që sipas saj dëshmojnë përfshirjen e Iranit në sulmet e fundjavës.

Irani ka mohuar çfarëdo përfshirje dhe ka paralajmëruar se do të hakmerret kundër secilës përgjigje ushtarake kundër tij.

© SYRI.net

Lexo edhe:

Komentet

Shto koment

Denonco