Anija “Open Arms” që po qëndron në det prej 19 ditësh me thuajse 100 emigrantë në bord, është duke pritur në portin e Lampeduzës një leje për të zbritur aty emigrantë kryesisht afrikanë, megjithaseItalia e ka ndaluar zbarkimin e anijeve të shpëtimit.

Italia tha se ka marrë shumë përgjegjësi në çështjen e emigrantëve afrikanë që hyjnë në Evropë. Ministri i Brendshëm tha se anijet e drejtuar nga humanitarë janë bërë si taksi për kontrabandistët e njerëzve.

Nëntë persona janë hedhur në ujë në përpjekje për të arritur me not në brigjet e Lampeduzës. Rojet italiane bregdetare kanë shkuar t’i shpëtojnë, situata po del nga kontrolli, shkruan në Twitter, stafi i “Open Arms”.

Ministri i Brendshëm Salvini ka deklaruar se bamirësia që po tregohej po i ekzagjeronte problemet. Nga tetë emigrantët që ishin hedhur në det dhe kishin dalë në breg, vetë dy kishin vërtet probleme shëndetësore.

“Nuk kthehem mbrapsht (lidhur me ndalimin e tyre) tha ai për Radio 24.

Rivali politik i Salvinit, ministri i Transporteve Danilo Toninelli, që kontrollon Rojën Bregdetare por jo portet, ka propozuar që emigrantët t’i marrë me një anije të Rojës Bregdetare për në Spanjë, e cila u ka ofruar atyre një port të sigurt.

Por Toninelli ka vendosur një kusht: që Madridi që çregjistrojë anijen “Open Arms” duke hequr flamurin spanjoll. Pa flamur, do të ishte e vështirë për anijen që të vazhdonte misionet e shpëtimit. /SYRI.NET