Koreja e Veriut ka hedhur poshtë çdo bisedim të mëtejshëm me Korenë e Jugut, duke e justifikuar vendimin e saj si pasojë "plotësisht të veprimeve të Koresë së Jugut".
Të enjten ajo lëshoi një deklaratë në përgjigje të fjalimit të Presidentit të Koresë së Jugut, Moon Jae-in.
Ndërkohë, të premten herët Koreja e Veriut testoi sërish dy raketa në det në brigjet e saj lindore, tha ushtria e Koresë së Jugut.
Ishtë testi i gjashtë i tillë në më pak se një muaj, raporton BBC.
Dy "predha të paidentifikuara" u qëlluan rreth orës 08:00 (23:00 GMT të enjten) dhe udhëtuan 230 km (140 milje) duke arritur në një lartësi prej 30 km (18 milje), tha Shefi i Përgjithshëm i Shtabit të Koresë së Jugut.
Gjashtë ditë më parë, Koreja e Veriut gjuajti dy raketa balistike me rreze të shkurtër në Detin e Japonisë.
Serit e testimeve vijnë pasi Presidenti i SHBA Donald Trump dhe udhëheqësi i Koresë së Veriut Kim Jong-un, ranë dakord gjatë një takimi në qershor për të rifilluar negociatat e denuklearizimit.
Koreja e Veriut është përballur me sanksione ndërkombëtare për zhvillimin e armëve bërthamore.
© SYRI.net