Kamera e brendshme e një taksie ka filmuar momentin kur shoferin e zë gjumi dhe makina përfshihet në aksident rrugor.

Ngjarja ka ndodhur në Kinë më 30 Qershor. Në sediljen e pasme të makinës ndodhen dy nxënëse, ndërsa shoferi duket që po përpiqet vazhdimisht të mbajë sytë hapur. Ishin 4 sekonda fatale në momentin kur shoferin e taksisë e zuri gjumi. Automjeti humbi drejtimin dhe u përplas.

Dy nxënëset në sediljen e pasme përplasen në xhamin e përparmë të makinës pasi nuk kishin vendosur rripin e sigurimit. Po kështu, edhe shoferi ishte pa rrip sigurimi. Policia bëri me dije se të tre personat brenda makinës mbetën të plagosur dhe ndodhen në spital.