Barcelona më në fund ka dhënë një leje ndërtimi për një nga atraksionet më të famshme turistike, 137 vjet pas hedhjes së gurit të parë.

La Sagrada Familia (Familja e Shenjtë) ka marrë një licensë të premten, duke i mundësuar asaj vazhdimin e punimeve deri në vitin 2026.

Është e paqartë pse kisha, e projektuar nga arkitekti spanjoll Antoni Gaudi, nuk kishte një leje ndërtimi më parë, shkruan BBC.

Licenca shtatëvjeçare do të mbulojë ndërtimin deri në përfundim, e planifikuar për vitin 2026 për të përkuar me 100 vjetorin e vdekjes së Gaudit.

Rreth 4.5 milionë njerëz vizitojnë Sagrada Familia çdo vit, me 20 milionë njerëz të tjerë që vizitojnë zonën vetëm për të parë atë.

Faza e fundit e ndërtimit do të bazohet në modelet e ndërtuara të Gaudit dhe kopjet e vizatimeve të tij origjinale, të cilat u shkatërruan gjatë një zjarri në 1930./F.H/SYRI.NET