Një kartel i fuqishëm kriminal në Meksikë dyshohet për rrëmbimin e pesë të rinjve në shtetin e Jalisco, duke i mbajtur ata peng për pesë ditë dhe duke prerë nga një gisht për secilin prej tyre.

Të moshës nga 18 deri në 25 vjeç, viktimat i thanë zyrës së Prokurorit të Shtetit se ishin në një vendbanim në qytetin Tlajomulco de Zuniga, kur një grup njerëzish të armatosur dhe të maskuar shpërthyen kompleksin e strehimit “Los Encinos” më 10 prill, shkruan Daily Mail.

Siç kanë treguar vetë 5 personat në fjalë, ata u rrahën gjatë pesë ditëve të tyre në robëri.