Një aeroplan u përfshi nga zjarri në aeroportin e Mehrabad të Teheranit të martën, por pasagjerët arritën të dilnin pa asnjë dëmtim.
Zjarri nisi pasi rrotat e avionit nuk u hapën siç duhet.
Piloti u detyrua të kryente një tjetër fluturim në aeroport, pasi përpiqej të hapte rrotat e uljes, por përfundimisht vendosi të ulej në aeroport pa rrota, njoftoi agjencia iraniane e lajmeve Fars.
Incidenti ndodhi rreth orës 9:00 me orën lokale dhe 10 ambulanca u vendosën në vendngjarje, tha agjencia.
Kishte rreth 100 persona në bordin e aeroplanit, por shërbimet e emergjencës arritën t’i evakuonin të gjithë.
Hossein Kolivand, kreu i departamentit emergjent të Iranit konfirmoi se nuk kishte pasur ndonjë dëmtim.
Aeroplani ishte një “Fokker 100” që i përket “Iran Air”.
The moment, passengers of #IranAir's Fokker 100 (EP-IDG) exited the airplane after its emergency landing due to total hydraulic failure in #Mehrabad, #Tehran an hour ago. According to Amir Karbalaiee, manager of Iran Air's A300 hangar, #IranAir has now one F100 left airworthy pic.twitter.com/pqvsWJggaY
— Babak Taghvaee (@BabakTaghvaee) March 19, 2019
© SYRI.net