Të rinj nga shkolla të ndryshme në Zelandën e Re, banorë etnikë Maori, bënë një homazh specifik, të tyrin, në nderim të dy shokëve të tyre, që u vranë gjatë masakrës që tronditi vendin. Ata interpretuan një “Haka”, këndim dhe vallëzim me lëvizje të prera, të forta, të rrepta, për të shprehur dhimbjen për të vdekurit dhe nderuar viktimat.

Me ta u bashkuan edhe studentë të tjerë, në një kor mjaft shprehës. Të paktën 50 vetë u vranë në sulmin që ishte më keqi në historinë e Zelandës së Re.