Një pasagjer, i cili dyshohet se do të rrëmbente një avion nga Bangladeshi në Dubai është qëlluar për vdekje nga forcat speciale të Bangladeshit.

Mediat lokale thonë se i dyshuari, i cili kishte një pistoletë, u vra kur forcat e sigurisë mësynë në aeroplan pasi kishte bërë një ulje emergjente në Chittagong, raporton BBC.

Të 148 pasagjerët dhe ekuipazhi në bordin e Biman Bangladesh Airlines BG147 fluturuan në mënyrë të sigurt.

Nuk është ende e qartë pse i dyshuari mund të ketë tentuar të rrëmbejë avionin.

Zyrtarët e ushtrisë thanë se personi, i cili besohet të jetë 25 vjeç, fillimisht u plagos, por më pas ndërroi jetë pas arrestimit.