Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

Protesta masive në Rumani, kundër qeverisë: Drejtësi, jo korrupsion!

Protesta masive në Rumani, kundër qeverisë: Drejtësi, jo korrupsion!

08:46, 25/02/2019
A+ Aa A-

Mijëra rumunë dolën të dielën në rrugët e Bukureshtit dhe qyteteve të tjera për të protestuar ndaj qeverisë, e cila sipas kritikëve kërcënon pavarësinë e prokurorisë dhe dobëson luftën kundër korrupsionit.

Rreth 7,000 njerëz u mblodhën para ndërtesës së qeverisë në Bukuresht, me pankartat “Drejtësi, jo korrupsion”, “Gjyqtarë, mos hiqni dorë,” “Turp”. Protestat u mbajtën edhe në qytete të tjera të mëdha – Cluj, Jasi dhe Timishoara.

Qeveria e kryeministres Viorica Dancila të martën e kaluar miratoi një ligj që kufizon kompetencat e Prokurorit të Përgjithshëm dhe autoriteteve shtesë, një trupi sapoformuar.

Departamenti Amerikan i Shtetit dhe Komisioni Evropian paralajmëruan se ndryshimet në ligjin për gjyqësorin kompromentojnë pavarësinë e gjyqësorit, transmeton Reuters.

Prokurorët rumunë thanë se ndryshimet e papritura të Ligjit mbi gjyqësorin përmes dekretit emergjent dhe pa konsultim me Këshillin Gjyqësor të Lartë dhe organeve të tjera, do të ketë një ndikim të madh në aftësinë e prokurorisë për të kryer detyrën e saj kushtetuese.

Dekreti qeveritar, i cili ishte propozuar nga ministri i Drejtësisë Tudorel Toader, ndryshon mënyrën e zgjedhjes së prokurorëve dhe heq shumicën e organeve mbikëqyrëse për gjykatat.


Image
 

© SYRI.net

Lexo edhe:

Komentet

Shto koment

Denonco