Një italian majtist i arratisur, që është arrestuar në Bolivi, është dërguar sot me avion në Itali si një “dhuratë e vogël” nga Presidenti i djathtë brazilian Jair Bolsonaro për Ministrin e Brendshëm të Italisë, Matteo Salvini.
Cesare Battisti, një militant komunist 64 vjeç, ishte në kërkim për vrasje në vitin 1970, ç'ka ai e ka mohuar se e ka bërë.
Battisti jetoi vite në Brazil si një refugjat politik, por u largua në dhjetor, kur ish-presidenti Michel Temer ia revokoi vendbanimin dhe miratoi ekstradimin e tij në Itali.
Presidenti i ri i ekstremit të djathtë, Bolsonaro, e mirëpriti vendimin dduke shkruar në Twitter: “Urime atyre që janë përgjegjës për kapjen e terroristit Cesare Battisti.”
Battisti ishte anëtar i Proletarëve të Armatosur për Komunizmin (PAC) një grup gueril në Itali në vitet ’70. Ai u arratis nga një burg italian në vitin 1981 dhe mori azil në Francë para se të ikte në Meksikë dhe të vendosej përfundimisht në Brazil.
Qëndrimi i tij në këtë shtet ka qënë një burim tensionesh diplomatike midis Italisë dhe Brazilit./SYRI.NET
© SYRI.net