Rumania në krye të BE, Juncker shpreh dyshime të forta

Rumania në krye të BE, Juncker shpreh dyshime të forta

10:40, 30/12/2018
A+ Aa A-

Presidenti i Komisionit Evropian, Jean Claude Juncker ka shprehur dyshimet mbi aftësinë e Romanisë për të marrë mandatin presidencial të udhëheqjes së Bashkimit Evropian, që ndryshohet cdo gjashtë muaj.

Juncker është cituar më 29 dhjetor në mediat gjermane duke thënë se Romania është “teknikisht e përgatitur mirë”.

"Por, besoj se Qeveria në Bukuresht ende nuk e ka kuptuar se cfarë do të thotë të udhëheqësh shtetet e BE-së”, shtoi ai.

Romania do të udhëheq presidencën e Bashkimit Evropian nga 1 janari, për herë të parë që nga anëtarësimi në vitin 2007 në bllok.

Juncker shtoi se presidenca e Bashkimit Evropian “kërkon vullnet për të dëgjuar të tjerët. Kam dyshime mbi këtë”.

Ai po ashtu, vuri në dyshim kapacitetin e shtetit për të mbajtur unitetin, për shkak të problemeve të brendshme politike.

"Duhet të ketë unitet në shtëpi për të fuqizuar unitetin në Evropë gjatë mandatit”, tha Juncker.

Në nëntor, presidenti i Romanisë, Klaus Iohannis, tha se vendi i tij nuk është i gatshëm për të përmbushur këtë detyrë.

Ai iu referua një situate ku përfshihet lideri i Partisë Social Demokrate, Liviu Dragnea, i cili e pati të pamundur të zgjedhet kryeministër për shkak të akuzave për mashtrim në zgjedhje.

"Ne jemi të përgatitur dhe besoj se mund t’ja dalim”, tha Iohannis më 21 dhjetor.


 

© SYRI.net

Lexo edhe:

Komentet

Shto koment

Denonco