Pas një rritje të tensioneve me rusinë sidmos gjatë ditëve të funsit ku kishte edhe një përplasje në det parlamenti ukrainas votoi dje në mbrëmje ligjin e gjendjes së luftës në rajonet kufitare të vendit për 30 ditë.

Kjo erdhi si pasojë e tensioneve të larta me Rusinë, që kapi dy ditë më parë  tre prej anijeve luftarake ukrainase.

Ky vendim, i paprecedentë që prej pavarësisë për këtë ish-republikë sovjetike në vitin 1991, u ndërmor me iniciativë të presidentit Poroshenko, që e justifikoi me rrezikun e rritur të një ofensive tokësore ruse.

“Informacionet e shërbimeve sekrete tregojnë kërcënimin jashtëzakonisht të lartë të një operacioni tokësor kundër Ukrainës”, kishte theksuar Poroshenko në një fjalim që i drejtohej kombit.