Më shumë se 200 vetë kanë vdekur pas shpërthimit të fundit të Ebolas në Republikën Demokratike të Kongos.
Të paktën gjysma e viktimave ishin nga Beni, një qytet me 800.000 banorë në rajonin e North Kivu, tha autoriteti kombëtar i shëndetësisë.
Rreth 25.000 njerëz janë vaksinuar deri tani.
Megjithatë, ministri i shëndetësisë Oly Ilunga tha se rebelët e armatosur po vazhdonin të sulmonin ekipet mjekësore.
Në shtator, vaksinat u pezulluan në Beni, kur një grup rebel filloi një sulm që zgjati disa orë.
Shpërthimi i tanishëm i Ebolas, që filloi në korrik, është i dhjeti që nga viti 1976. Virusi është përhapur me sasi të vogla të lëngjeve trupore dhe infeksioni shpesh ka rezultuar fatal.
Në përditësimin e saj të fundit, Ministria e Shëndetësisë tha se 291 raste janë konfirmuar dhe 201 vdekje janë regjistruar.
© SYRI.net