Meksika ka lëshuar një paralajmërim për pjesë të bregdetit të saj në Paqësor, ndërsa përgatitet nga kërcënimi që vjen nga uragani Willa.

Willa pritet të mbërrijë në bregun jug-perëndimor të Meksikës të martën dhe është potencialisht katastrofik, paralajmëroi Qendra Kombëtare e Uraganeve. (NHC).

Aktualisht një stuhi e kategorisë 4 - nga 5 që renditen stuhitë, ajo kërcënon të sjellë shira të rrëmbyeshëm dhe përmbytje të mëdha.

Në fillim të këtij muaji, pjesë të SHBA u shkatërruan nga uragani Michael, i cili shkaktoi të paktën 27 të vdekur.