Sekretari i Përgjithshëm i OKB-së, Antonio Guterres ka paralajmëruar se "përshkallëzimi më serioz" i dhunës në Rripin e Gazës vendos enklavën e rrethuar në "prag të luftës", duke i kërkuar Izraelit dhe Hamasit të rivendosin armëpushimin e vitit 2014.

Shefi i OKB-së tha në një raport të marrë nga agjencitë e lajmeve se ai është "i tronditur" nga përdorimi i zjarrit nga Izraeli, pas fillimit të protestave të kufirit më 30 mars.

Guterres tha se ushtria izraelite ka " përgjegjësi për të ushtruar kufizim maksimal" dhe të përdorët armët si mjet i fundit.

Raporti u dërgua në Këshill javën e kaluar përpara një takimi të martën mbi konfliktin izraelito-palestinez.

"Vrasja e fëmijëve, si dhe e gazetarëve dhe stafit mjekësor të identifikuar qartë nga forcat e sigurisë gjatë një demonstrate janë veçanërisht të papranueshme," tha Guterres.

"Ata duhet t'u lejohet të kryejnë detyrat e tyre pa frikë nga vdekja ose dëmtimi".

Izraeli ende nuk i është përgjigjur akuzave.

Guterres gjithashtu i tha Këshillit të Sigurimit se ai "dënon me padurim hapat nga të gjitha palët që na kanë sjellë në këtë vend të rrezikshëm dhe të brishtë" në konfliktin izraelito-palestinez.