Lajmi i fundit

EMRA/ Arrestime në Bashkinë e Tiranës, Këlliçi: Për dosjen ...

Presidenti nën presion për dekretimin e ministrit euro-skeptik

Presidenti nën presion për dekretimin e ministrit euro-skeptik

10:46, 27/05/2018
A+ Aa A-

Partitë e koalicionit qeveritar në Itali po ushtrojnë presion ndaj presidentit Sergio Mattarella për të miratuar me çdo kusht kandidatin euroskeptik të tyre për ministër të Ekonomisë, duke thënë të shtunën se alternativa tjetër e kësaj do të ishte vetëm mbajtja e zgjedhjeve të reja.

Mattarella ka bllokuar momentalisht formimin e qeverisë, gjë që do t’i jepte fund krizës politike mbi 80-ditore, për shkak të shqetësimeve në lidhje me vullnetin e “Lega Nord”-it të ekstremit të djathtë dhe “Lëvizjes antiestablishment të 5 yjeve” për të emëruar si ministër të Ekonomisë,  Paolo Savona.

Savona ka qenë një kritik i ashpër i Euros dhe i Bashkimit Europian, por gjithsesi ka kredenciale të shquara, për shkak se dikur ka mbajtur edhe rolin si ministëri Industrisë. Formalisht, kryeministri i mandatuar Giuseppe Conte i prezanton përbërjen e kabinetit qeveritar presidentit, i cili duhet t’ia miratojë më pas.

Conte, një profesor jurisprudence shumë pak i njohur dhe pa eksperiencë politike, u takua me presidentin të premten, por pa zgjidhur ngërçin.

“Shpresoj që askush të mos ketë zgjedhur alternativën ‘Jo’”, tha kreu i “Lega Nord”-it, Matteo Salvini, përpara mbështetësve të tij në veri të Italisë. “Qeveria, ose duhet të marrë frerët dhe të nisë punët në orët në vijim, ose t’u drejtohemi edhe njëherë kutive të votimit”, tha ai.

Më pas, edhe udhëheqësi i “5 yjeve”, Luigi Di Maio tha se priste që presidenti të merrte një vendim për mbështetjen e qeverisë brenda 24 orësh. Edhe kjo lëvizje antiestablishment e mbrojti kandidaturën e Savonës.

“Është një zgjedhje politike dhe, bllokimi i një zgjedhjeje minitrore është përtej rolit të presidentit”, tha Alessandro di Battista, një prej politikanëve më të lartë të “5 yjeve”.

Mattarella nuk ka folur publikisht për Savonën, por përmes ndihmësve të tij e ka bërë të qartë se nuk dëshiron një ministër Ekonomie antieuro dhe se nuk do të mund të pranonte “diktatin” e partive të koalicionit.

 

© SYRI.net

Lexo edhe:

Komentet

Daj Jaku27/05/2018 11:53

Presidenti i emëruar nga Renzi pengon ministrin më të mirë të kësaj qeverie që po projektohet, në vënd që të pengojë ministrin e punës që e ka punën e parë të egzistencës së vet. Perandoria e re e Rajhut të katërt ka marrë kompetencat e emërineve të qeverive të vëndeve vasale. Ministri i Ekonomisë është një personalitet ekonomik e politik që e kundërshton realizimin e qëllimeve antiko-aktuale të idesë "teutonike arjane" të predominimit të rracës së përzgjedhur për të komanduar universin. Vjen imediat reagimi i vasalëve të emëruar nga shambellanët e Perandoreshës Merkel. Edhe ne shqiptarët kemi president të emëruar, por ky i joni jep vetëm medalje sportive e "akademike".

Shto koment

Denonco