Vajza e ikonës së të drejtave civile, Martin Luther King, ka hedhur poshtë pretendimet se i ati i saj do të kishte qënë krenar për Donald Trump. Ishte Steve Bannon – ish strategu i Donald Trump – i cili tha në BBC se z. King do t’i kishte aprovuar politikat ekonomike të presidentit amerikan.

Por, Bernice King tha se z. Bannon kishte abuzuar gabimisht dhe rrezikshëm me emrin e babait të saj. Në vend të kësaj ajo tha se babai do të kishte qënë "jashtëzakonisht i shqetësuar" nga ngjarjet e fundit.

Steve Banon kishte folur në programin e lajmeve të BBC ; ai tha se “nëse shikoni politikat e Donald Trump, cilido - Martin Luther King -  do të ishte krenar për të për çfarë ai ka bërë për komunitetet me ngjyrë apo hispanikët.”Kjo qe përgjigja pasi ai u pyet nga Emily Maitlis e BBC:  “Ju mendoni se Martin Luther King do të ishte krenar me Donald Trump? Ju nuk mendoni se Martin Luther Kinf do të ulej atje dhe të thoshte: Po, ju i keni angazhuar në punë bashkësinë me ngjyrë!"

Ndaj, në Twitter, Bernice King, e cila është shefe ekzekutive e "The King Center" tha se ideja që babai i saj do ta kishte mbështetur z. Trump, injoronte shumë nga vlerat e Martin Luther King; injoron tërësisht angazhimin e babait për njerëzit e të gjitha racave, kombësive etj. për t’u trajtuar me dinjitet dhe respekt”. /SYRI.NET