FOTO/ Koreja e Veriut hedh në erë tunelet bërthamore para syve të gazetarëve të huaj Punggye-ri, vendi ku zhvilloheshin testet nukleare para hedhjes në erë

FOTO/ Koreja e Veriut hedh në erë tunelet bërthamore para syve të gazetarëve të huaj

13:16, 24/05/2018

Koreja e Veriut duket se i ka hedhur në erë, tunelet në të vetmin vend të testeve bërthamore, Punggye-ri, si një masë për të ulur tensionet në rajon, njoftoi BBC.

Gazetarët e huaj në vendin e testeve bërthamore thanë se ata qenë dëshmitarë të një shpërthimi të madh.

Veriu ofroi të shkatërronte këtë zonë në fillim të këtij viti në kuadrin e një ofrimi diplomatik të Koresë së Jugut me SHBA-në. Por shkencëtarët besojnë se pjesërisht ai u shkatërrua pas testit të fundit në shtator të 2017-ës duke u bërë i papërdorshëm.

Inspektorët ndërkombëtarë nuk u lejuan të ndjekin çmontimin e vendit të provave bërthamore në veriperëndimin malor të vendit.

Tom Cheshire i Sky News ishte një prej gazetarëve të huaj pjesë e grupit që qe ftuar të dëshmonte për ngjarjen.

Ai tha: “ Ne ne u ngjitëm mbi male dhe e pamë shpërthimin nga 500 m largësi. Ata numëruan tre, dy një! Ishte një shpërthim i madh, mund ta ndieje atë. Erdhi pluhuri, erdhi nxehtësia. Ishte një zhurmë jashtëzakonisht e madhe!"/SYRI.NET

© SYRI.net

Lexo edhe:

Komentet

Shto koment