Një zyrtare e Lartë e Koresë të Verit e e ka akuzuar Zv.presidentin amerikan Mike Pense se ishte “budalla” dhe paralajmëroi mundësinë e “përplasjes bërthamore” nëse dështon diplomacia. Znj. Choe Son-hui tha se Pheniani nuk do t’i lutej SHBA-ve për dialog dhe as do të përpiqej ta bindte atë për të marrë pjesë në bisedime, njofton BBC.
Ditët e fundit të dyja palët kanë paralajmëruar se takimi Trump-Kim më 12 qershor mund të shtyhet ose të anulohet.
Pheniani tha se do ta shqyrtonte edhe njëhërë mundësinë nëse SHBA do të ngulte këmbë në dorëzimin e armëve bërthamore në mënyrë të njëanshme.
Presidenti amerikan Donald Trump tha të martën se ishte Veriu ai që duhej të plotësonte kushtet që bisedimet të vazhdonin.
Choe Son-hui ka qënë e përfshirë në disa ndërveprime diplomatike me SHBA, dekadën e fundit.Në një artikull të publikuar nga agjencia shtetërore e lajmeve të Koresë së Veriut, ajo tha se se z. Pence kishte bërë vërejtje të shfrenuara dhe të pahijshmë në media ditët e fundit, përfshirë edhe atë komentin e tij se Koreja e Veriut mund të përfundonte si Libia.
Ajo e quajti manovër politike që ta krahasoje Korenë e Veriut - një shtet me armë bërthamore - me Libinë, që thjesht kishte instaluar disa pajisje dhe u përplas me ta.
“Si një person i përfshirë në çështjet me SHBA, nuk mund ta fsheh habinë time për të tilla vërejtje injorante dhe të hidhura që dalin nga goja e Zv.presidentit amerikan,” tha ajo.
Zonja Choet tha se Pyongyang nuk po lypte bisedime dhe paralajmëroi: "Nëse SHBA do të na takojë në një sallë bisedimesh apo do të na ndeshë në një përballje bërthamore, kjo varet tërësisht nga qëndrimi i SHBA-ve./SYRI.NET
© SYRI.net