Fondacioni i Shoqërisë së Hapur, mbështetur nga miliarderi amerikan-hungarez George Soros, do të mbyllë degën e saj në Budapest dhe do të hapë një të re në Berlin, shkruan “Die Presse”.

Kjo pasi Soros është përballur me presione në Hungari.

Organizata botërore e Fondacioneve të Shoqërisë së Hapur (OSF) ka vendosur të mbyllë zyrën e Budapestit, shkruan gazeta austriake “Die Presse” në faqen e tyre online, pas një fushate njëvjeçare kundër financuesit George Soros në Hungari.

Shefi i OSF dhe ish-ambasadori i SHBA Patrick Gaspard udhëtuan personalisht në Budapest për të informuar stafin lokal.

OSF tani njoftohet se ka për qëllim të hapë një zyrë të re në Berlin gjatë verës së vitit 2018. Portali 444.hu tha se zyra e Fondacionit të Shoqërisë së Hapur do të mbyllet deri në fund të gushtit.

Miliarderi hungarez i lindur në Hungari, George Soros,  themeloi OSF-në në fillim të viteve 1990 me qëllim të promovimit të demokracive në shtetet ish-komuniste të Evropës Lindore.

Megjithatë, organizata është përballur me presion të madh në Hungari pasi nacionalisti i krahut të djathtë Viktor Orban mori pushtetin në vitin 2010. Orban dhe aleatët e tij e kanë portretizuar Sorosin si një figurë të fuqishme dhe të sinqertë që synon minimin e fuqisë së shtetit dhe përmbysjen.

“Mos lejoni që Soros të ketë qeshurën e fundit'”, thuhet në një nga pankartat e  fushatës së partisë në pushtet.

Shumë vëzhgues perëndimorë e dënuan fushatën, duke e akuzuar Orbanin dhe aleatët e tij për përdorimin e 87-vjeçarit Soros si një kokë turku. Të tjerë kanë argumentuar se fushata kundër Sorosit, që është hebre dhe një i mbijetuar i Holokaustit, ishte antisemite. Qeveria ka hedhur poshtë në mënyrë të përsëritur kritika të tilla.

Kryeministri hungarez po nxit tani një legjislacion të quajtur "Stop Soros" për të goditur OJQ-të dhe financuesit e tyre të huaj. Në fund të vitit të kaluar, një politikan i partisë në pushtet postoi një fotografi të një derri të ngordhur me emrin e Sorosit.

Soros gjithashtu është përballur me një presion në rritje nga krahët e djathtë në pjesë të tjera të botës, përfshirë Mbretërinë e Bashkuar dhe SHBA-në, për mbështetjen e tij ndaj politikave liberale dhe opozitës ndaj Brexit.

Fushata në Hungari u përshkallëzua javën e kaluar kur një gazetë pro-qeveritare Figyelo botoi listën e asaj që e quajti "mercenarët" e  Soros në vend.  Lista e 200-tëve përfshin akademikë, punonjës të OJQ-ve, gazetarë dhe politikanë. Shumë nga njerëzit e listuar mësojnë në një tjetër projekt me bazë në Budapest, financuar nga George Soros, Universiteti i Evropës Qendrore.

Sipas Die Presse, autoritetet në qytetin austriak të Vjenës premtuan një hapësirë ??që Universiteti mund të përdorte si një kampus mbështetës në rast se duhet të largohet nga Hungaria.