Nga Dhurata Çupi/
Korrupsioni mbetet njolla me e zezë që në çdo raport ndërkombëtar e rendit Shqiperinë në vendet më të korruptuara e krahasueshme me shtetet me demokraci të brishtë.
Vetëm në 7 vitet e fundit sipas të dhënave të KLSH, u shpërdoruan dhe u vodhen 6 miliardë euro.
Këto janë të dhëna zyrtare ndërsa ende nga KLSH nuk ka një raport mbi tenderat sekretë në kohën e karantinës, ku opozita ka denoncuar abuzime marramendëse miliona euro të qeverisë, ndërkohë shqiptarët po vuajnë pasojat e mbylljes nga pandemia e COVID 19.
Qeveria ka vendosur që paratë e shqiptarëve ti përdorë ose shpërdorojë duke u fshehur pas “tenderave sekretë” , por duhet sqaruar që prokurimi publik bëhet për të patur transparencë në menaxhimin e parave publike të qytetarëve dhe taksapaguesve , për të rritur konkurencën dhe për të patur eficencë financiare .
Por kohët e fundit përmes prokurimeve është shfaqur mungesë e theksuar e transparencës përkundrazi cilësohen si sekrete. Nuk ka konkurrencë madje as ka patur garë , dhe me e rënda nuk ka patur eficencë finaciare dhe shifrat kanë rezultuar abuzive.
E përballë këtij hermetizmi për transprencë për publikun, edhe drejtësia është futur në karantinë dhe po hesht duke e lënë të lirë rrugën e abuzimeve të qeverisë me fondet publike .
Opozita ka treguar me fakte abuzimet prej miliona euro me paranë publike, me korrupsionin nga specialistët e thjeshtë deri tek “shefat” e mëdhenj të cilët mbeten të pandëshkuar.
Ne ju kemi treguar shqiptarëve me fakte që me prokurimin po abuzohet dhe se ka fakte të pakundërshtueshme që organet e drejtësisë duhet të veprojnë. Çdo ditë po shohim që pandeshkueshmëria e individeve që kanë qenë pjesë aktive e abuzimeve vazhdon të sundojë atmosferën e rënduar dhe endemike.
Lidhjet ndërmjet, biznesit, politikanëve dhe grupeve kriminale sidomos nëpërmjet proceseve të prokurimeve publike, të ndërtimit, blerjeve të mallrave, shërbimeve të mirëmbajtjes, menaxhimin e mbetjeve, mbeten shqetësim dhe Shqipëria renditet në krye të listës për nivelin e lartë të korrupsionit.
Këto lidhje shfaqen hapur sidomos në përiudhë zgjedhjesh, të cilat “ligjërojnë” procese zgjedhore dhe pushtete të pamerituara apo e thënë ndryshe, në konceptin e Bankes Boterorë si "kapje e shtetit" .
Eshtë koha që drejtësia të zgjohet e të veprojë, taksat e shqiptarëve duhen përdorur për tu ardhur në ndihmë atyre dhe jo aferave korruptive të qeverisë në largim.
© SYRI.net