Filmi “Dita zë fill” i Gentian Koçit është zgjedhur për të përfaqësuar Shqipërinë si kandidat për çmimin Oscar në kategorinë e filmit të huaj.
Filmi tregon historinë e një nëne të re, e cila, pasi është përzënë nga shtëpia sepse nuk mund të paguante qiranë, shpërngulet bashkë me të birin njëvjeçar për të punuar si kujdestare në shtëpinë e një plake të sëmurë që qëndron në shtrat. Leta (luajtur nga Ornela Kapetani) duhet të bëjë të pamundurën për ta mbajtur gjallë plakën e sëmurë.
“Dita zë fill” debutoi muajin e kaluar në Festivalin e Filmit në Sarajevë, ku Kapetani u vlerësua si aktorja më e mirë.
Filmi është prodhuar nga Artalb Film dhe Graal Films.
Shqipëria ka zgjedhur kandidatura për çmimet Oscar dhjetë herë që më 1996, por nuk është nominuar kurrë.
Hollywood Reporter – Përgatiti Syri.net
© SYRI.net