Artistja Lirika Pojani ka çelur ekspozitën ‘Etno Art’ në ambientet e atelies së saj, duke paraqitur 9 veshje tradicionale për vizitorët. Qëllimi i saj është rizgjimi i traditës dhe ngjallja e interesit të të rinjve për të mësuar më shumë për të shkuarën.
Nga SYRI TV
I ka dedikuar jetën kostumografisë. Lirika Pojani e njohur për punën e bukur me veshjet tradicionale të zonës së juglindjes, ka ekspozuar në një minimuze brenda atelies së saj rreth 9 veshje tradicionale. Prej kohësh e kishte ëndërr paraqitjen e plotë të krijimtarisë së saj.
Lirika tregon vështirësitë që haset për gjetjen e modeleve, ngase zonjat të cilat i kanë ruajtur brez pas brezi janë në moshë. Artistja thotë se pjesa më e madhe e kostumeve janë realizuar në mënyrë artizanale, një teknikë që po bjerret me kohën.
Ekspozitë ‘Etno Art’ ka ngjallur kërshërinë e vizitorëve, ndërsa qëllimi i Lirika Pojanit është nxjerrja në dritë e traditës duke ngjallur interesin edhe për të rinjtë.
© SYRI.net