“Dita Botërore e Poezisë” është konceptuar si një ftesë për të reflektuar mbi fuqinë e gjuhës, në një mbrëmje ku aktorët më në zë të kinematografisë shqiptare interpretuan vargjet e poetëve shqiptarë.
Nga SYRI TV
Nga vargjet e Frederik Rreshpjes, të mallkuarit me art - te puhia e lehtë fjalësore e Mitrush Kutelit, nga ëndjet bohemiane të Teodor Kekos - te lirika e dashurisë së Xhevair Spahiut, nga zjarrmi shpërthyes i Lasgush Poradeci nga rrjedhin miliona ëndrra, miliona ndjesi.
Aktorët, Luiza Xhuvani, Ndriçim Xhepa,Yllka Mujo, Viktor Zhusti, Kastriot Çaushi e këngëtarja Vikena Kamenica përmes një udhëtimi në gjithëkohësi, interpretuan vargjet e përshpirtshme të poetëve kanonikë të letrave shqipe në oborrin e shtëpive të Toptanasve shoqëruar nga tingujt e muzikës.
Kur flitet për dashurinë, që përligj ekzistencën natyrshëm lexuesi sjell nëpër mend vargjet e shpirtit të lirë, të poetit Teodor Keko që prej vitesh këndohen ngazëllyeshëm.
“Dita e poezisë” është konceptuar si një ftesë për të reflektuar mbi fuqinë e gjuhës dhe zhvillimin e plotë të kapaciteteve kreative të gjithsecilit. Ajo buron prej shpirtrave që rreken të krijojnë një botë të re, nga ku mund të komunikojnë me fjalë zemre.
Gazetar: E. Xhemali
Operator: E. Noka
Montazhier: O. Demo
© SYRI.net