Artisti Viktor Ferraj çel në Galerinë e Arteve të Bukura ekspozitën ‘Arketip’, që i përngjan një procesi gërmimi arkeologjik nëpër skutat e kujtesës.
Nga SYRI TV
Historia e njeriut shtrirë si një cikël i gjatë kohor, imazhet që lindin, nga merr jetë mitologjia tentojnë të na shpien në labirintet e së djeshmes, nga ana tjetër një hap e mbajnë në bashkëkohësi.
‘Arketip’ në perceptimin e artistit Viktor Ferraj i përngjan një procesi gërmimi arkeologjik nëpër skutat e kujtesës, ku flenë njerëzit e çdo dite, teatrot pa skenë dhe e pavetëdishmja e qenies.
Artisti nuk kridhet vetëm në procese vizatimi dhe pikturimi, ai formëson me mjetet që ka përreth tij një tjetër botë.
‘Arketip’ me gjuhën shprehëse rikrijon nga e para historinë në një tjetër dimension, ndaj punimet presin komunikim me dashamirësit e artit në Galerinë FAB deri në fund të Marsit.
© SYRI.net