Si sot, më 2 shkurt 1924, lindi aktori i njohur i skenës dhe i ekranit, Sulejman Pitarka.

Ka luajtur rreth 50 role me trupën e Teatrit Kombëtar, në gjininë e dramës dhe të komedisë. Ndërsa, imazhi i tij u përjetësua në kinematografinë shqiptare përmes një galerie prej 20 rolesh, mes të cilëve sjellin ndërmend interpretimin e Zheleznovit në “Ballë për ballë” (1979), të Xha Avdiut tek “Gjeneral gramafoni” (1978), të Xha Lipes te “Pas gjurmëve” (1978), të gjeneralit te “Gunat përmbi tela” (1977) etj.

Ka hyrë në historinë e dramës shqipe si autor i dramës “Familja e peshkatarit”. Po ashtu, është autor i dramës për fëmijë “Trimi i mirë me shokë shumë”, ku trajtohet figura e Skënderbeut. Pitarka u nda nga jeta në vitin 2007. Më poshtë, një foto nga ekzekutimi i komedisë “Zonja nga qyteti”.