Themeluesi i Skenës së Pavarur Kulturore, Andi Tepelena ngre shqetësimin për mosshpalljen e thirrjeve për projektet e vitit 2023 në art dhe kulturë. Sipas Tepelenës veprimi i Ministrisë së Kulturës është shmangie nga detyrimi institucional, ndërsa kërkon që në bordet përzgjedhëse për veprimtaritë kulturore të ketë ekspertë të fushës, jo militantë partiak.
Nga SYRI TV
Ministria e Kulturës nuk ka shpallur ende thirrjen për projektet në art dhe kulturë, për vitin 2023. Kjo vonesë dëmton veprimtarinë e artistëve. Themeluesi i Skenës së Pavarur Kulturore, Andi Tepelena thotë se mungesa e përgjegjësisë është institucionale.
Artistët janë mosbesues ndaj bordit që ngre Ministria e Kulturës, për të vlerësuar projektet, ndaj Tepelena thekson nevojën e përfshirjes së ekspertëve në përzgjedhje, që nuk kanë përfitime politike.
Në marrëveshjen e vitit 2018 me Ministren e Kulturës së asaj kohe Mirela Kumbaro pika qendrore e diskutimit qe mbështetja për Skenën e Pavarur Kulturore dhe artistët e rinj, e megjithatë nënshkrimi i atëhershëm ka ngelur vetëm në kuadër të premtimit.
© SYRI.net