Lajmi i fundit

ÇIM PEKA LIVE/ Rama arreston drejtorët e Veliajt

'Mes çarçafëve' e Teatrit Shëtitës 'Çajupi', me regji të Kiço Londo gati për në skenë

'Mes çarçafëve' e Teatrit Shëtitës 'Çajupi', me regji të Kiço Londo gati për në skenë

12:43, 28/09/2022
A+ Aa A-

Mes çarçafëve” është shfaqja e radhës e Teatrit Shëtitës "Çajupi", që vjen nën interpretimin brilant të aktoreve Yllka Mujo dhe Ermira Hysaj.

Një dramë e shkruar nga Jordi Mand, e përkthyer nga Artur Lena dhe e inskenuar nga Kiço Londo.

Shfaqja do të jetë në 29 shtator në sallën Black Box të Universitetit të Arteve.

Ngjarjet në shfaqje

Është fundi i një mbrëmjeje takimi me prindër. Tereza, mësuesja e re, është gati të mbledhë sendet personale e të niset për në shtëpi, kur shfaqet Marion, nëna e njërit prej nxënësve, që do të zhvillojë një bisedë në lidhje me djalin e saj Aleks.

Kjo është diçka e beftë për Terezën, meqë Marion nuk ka kërkuar takim dhe gjithsesi, të gjitha bisedat e mëparshme mbi Aleksin, Tereza i ka pasur me babanë e tij, Kurtis, bashkëshorti i Marion.

Marion është krejt në dijeni të lidhjes së tyre dhe kjo gjë e ka indinjuar. Madje më tepër se kaq. Aleks është një fëmijë me nevoja të veçanta, nga ato, që duken si rast serioz i mungesës së aftësisë për t’u përqendruar dhe Marionës nuk i pëlqen të mbetet jashtë qarkut të tij.

Ajo padyshim që nuk e pëlqen deklaratën e Terezës, që si mësuesja e Aleksit, ajo shpenzon më tepër kohë me të sesa nëna e tij, e cila është një grua në karrierë, dhe prandaj e kupton më mirë atë.

Por gjëja, që nuk i pëlqen fare, është zbulimi, që ka bërë kohët e fundit, i cili del në pah nga disa ndeshje verbale fillestare, nga ku mësojmë, se bashkëshorti i saj dhe Tereza janë të dashuruar. Kjo, plus puna me emaile dhe letra të shkruara, shkon për llogari të kuptimit të titullit.

© SYRI.net

Lexo edhe:

Komentet

Shto koment

Denonco