Nga Mentor Haziri.
"Nga cila anë erdhe, Mentor?"- "Nga Vermoshi, Dok!"
Vermoshi asht fortesa e vetme që i shpëtoi shkëputjes, falë Prek Calit me shokë, kurse këto troje mbetën këtej në Mal të Zi dhe ja se si është katandisur kjo bukuri … Mungojnë investimet kapitale nga shteti.
"Dok si asht e mundur ajo rranjë pishe të rrijë ashtu mbi ujvarë?!"
Ajo hije e pishës është vendi ku unë lexoja kur kisha provimet e mia të vështira dhe mu në atë hije, frymëzimi e inspirimi gufonin njësoj si uji i kësaj ujvare.
"Hajde Mentor ta tregoj lagjen! Ja këtu kam lindur unë dhe aty janë kujtimet e mia të paharruara, kurse në këtë tjetrën ka lindur Rexhep Qosja dhe ai sot është këtu, rri tërë verën. Kjo e treta është e regjisorit të famshem Isa Qosja, njësoj dhe ai këtu pushon me muaj, kurse kjo është e Binak Ulajt etj..."
"Dok, si asht e mundur ky fshat kaq i vogël të prodhojë mendje kaq të medha të kombit?"
"S’e di, ndoshta Mentor, asht uji i kësaj treve atdhedashëse."
Dhe unë ndërkohë pija ujë në burimet e krojeve pa ndal … e me vete thosha ndoshta do shërojë shumë mendje, si Doki ynë! Ndërkohë që flisnim për ujin, po u bënim gati për të filmuar tek Syri i Kaltër, projektet tona gjigante për Vuthajn, bashkë me Dokin si ideator dhe ekipin tim të xhirimit për të sjellë në ekran legjendat e bukuritë e këtij fshati magjik.
Vuthaj, 3 gusht 2022
© SYRI.net