Ndahet nga jeta në moshën 76-vjeçare piktori i njohur korçar Sotiraq Xega, padyshim një prej piktorëve më të mirë të peizazhit.  Sotiraq Xega ka më shumë se 35 ekspozita vetiake dhe pjesa më e madhe e punimeve të tij janë në gjininë e peizazhit, njofton Syri TV.

Drenovari Sotiraq Xega kohët e fundit, ekspozitat e tij i ka çelur në natyrë, pasi ia kishin ndaluar ta bënte një gjë të tillë në mjedise ku ekspozonin dhe piktorë të tjerë.

Ekspozita e fundit e Xegës ka qenë ajo e manave të Drenovës, ekspozitë të cilën e paraqiti për miqtë kryesisht në një prej rrugicave të fshatit të njohur turistik.