Në kuadër të edicionit të katërt të “Mik Festival”, drejtoresha artistike e këtij aktiviteti, Inva Mula së bashku me artistë e të ftuar të tjerë, ka zhvilluar një konferencë për shtyp në ambientet e “Arte Boutique”.
Artistja u shpreh se “Mik Festival” ka marrë fizionominë e tij, e se tashmë artdashësit mund ta gjejë veten në muzikë të mirë.
Më tej, ajo foli edhe për një aktivitet tjetër që do të mbahet tek Hani i Pazarit, i cili përveç veçantisë së formës artistike, ka karakter edukativ për fëmijët.
Violinisti Olen Çesari ka folur për mbrëmjen, në të cilën pritet të performojë, duke zbuluar se kush do të jetë krahë tij në skenë.
Aktiviteti “Mik Festival”, që bën bashkë artistët lirikë e të afirmuar të skenës për t’i dhuruar publikut ndjesi të përshpirtshme, pritet të filloj më datë 22 korrik dhe të zgjasë 4 ditë.
© SYRI.net