Probleme me zgjedhjet në Elbasan janë evidentuar zyrtarisht që në vitin 1921, ku manipulimet për vota janë raportuar në Ministrinë e Punëve të Brendshme.

Arkiva Qendrore e Shtetit ka nxjerrë dokumentin: "Kështu njoftonte Ministria e Punëve të Brendshme për procesin e zgjedhjeve të viti 1921 në Elbasan
"Zgjedhjet e vitit 1921. Lidhur me zhvillimin e zgjedhjeve në qytetin e Elbasanit, në dokumentin e Ministrisë së Punëve të Brendshme thuhet se:

"Zgjedhjet e qytetit të Elbasanit për zgjedhës të dytë jan ba pa urdhënin e përmendur në nyjen 13. Të ligjës së zgjedhjevet me qëllim anësije. Po thue se në të gjitha qendrat e qytetit jan pranue vota pa vulën e Komisionit të zgjedhjes me zarfa të mbyllura të çueme me anën e kryetarit të Katundariës dhe të futne në arkë me dorën e tij e këtij.

Jan damun që qendrat e zgjedhjevet të katundavet me qëllime anësije nat mëndyrë qi do të jetë i shtrengue zgjedhësi i parë me marrë tet sahat rrugë për me dhanë votën dhe tet sahat të tjerë për me u këthye në shtëpinë e vet në nji ditë. Këto pa udhësi bahen nga këshillat adiministrator që të Katundarët mbrenda në të cilat gjinden edhe njerëz të emnue pas nevojës të anësis e jo të zgjedhë pas nomit.
Beqir d.v."