Jul Variboba: 1724 - 1788.
Jul Variboba ka lindur në katundin Mbuzat të Kozencës në Kalabri. Mësimet e para i mori në kolegjin e San Benedetos në Ulano. Në vijim ka shërbyer disa kohë si prift në fshatin e vet të lindjes.
Në Romë kaloi vitet e tjera të jetës, ku më 1762 botoi vëllimin poetik “Gjella (jeta) e Shën Mërisë Virgjër”, poemë e gjatë në dy pjesë bashkë me një tufë vjershash. Subjekti fetar i kësaj vepre është larguar mjaft nga tradita krishtere e paraqitjes së figurave biblike, të cilat J.Variboba i ka përshkruar si njërëz të zakonshëm në mjedise vallesh e vajesh të ngjashme me ato të poezisë popullore arbëreshe.
Libri fillon me një letër më anën e së cilës poeti i drejtohet Shën Mërisë, për t’i treguar përse ka ndërmarë botimin.
Vepra “Gjella e Shën Mërisë Virgjër” përbëhet prej dy poemash: e para tiullohet “Gjella e Shën Mërisë” dhe e dyta “Gjella e Shën Bambinit”. Ndërsa në pjesën tjetër të librit autori ka përmbledhur disa vjersha shpirtërore.
Variboba është përfaqësuesi kryesor i letërsisë së vjetër arbëreshe që lëvroi temën fetare për qëllime kishtare dhe mësimore.
© SYRI.net