Poeti dhe shkrimtari i madh shqiptar Faslli Haliti ka ndërruar jetë në moshën 85-vjeçare.
Një humbje e madhe kjo për botën e letrave shqip, pasi Haliti konsiderohej një ndër penat më të rëndësishme të letërsisë sonë.
Faslli Haliti ka lindur në Lushnjë, më 5 dhjetor 1935.
Ka mbaruar Liceun Artistik për pikturë. Është diplomuar për gjuhë dhe letërsi shqipe në Universitetin e Tiranës. Ka punuar mësues vizatimi dhe letërsie në Lushnjë 1961-1973.
Nga viti 1973 – 1983, për gabime ideore në krijimtari dhe veçanërisht në poemën Dielli dhe rrëkerat, ka punuar si kooperativist i thjeshtë në një kooperativë bujqësore të rrethit Lushnjë e në Komunale.
Gjatë gjithë kësaj periudhe konvaleshence ideologjike iu hoq e drejta e botimit. Gjatë viteve 1998-2001 ka qenë deputet në Kuvendin e Shqipërisë.
Që nga viti 1969 është anëtar i LSHASH. Është nderuar me çmime kombëtare e ndërkombëtare. Është përfshirë në disa antologji në gjuhë të huaja si italisht, anglisht, gjermanisht, greqisht.
Është dekoruar me Urdhërin Naim Frashëri të klasit III, të klasit I si dhe me Urdhërin ‘Naim Frashëri’ i Artë. Është Qytetar Nderi i qytetit të Lushnjës.
Është Nderi i Qarkut Fier.
Ka fituar çmimin e madh ‘Poeti më i mirë i vitit’ – 2017, dhënë nga Fondacioni Kulturor ‘Harpa’. Është autor i mbi 20 librave, kryesisht me poezi.
© SYRI.net
U prehte ne paqe. Artist i vertete. Poezi e arte qe te " brengoste" ne mendime. Qelloi ne periudhen e gabuar te historise. Ne periudhen e artisteve aksidentale te mortjes se kuqe. Komunisti qe 14 vjecar MDhrami shkon ne Leningrad. Komunist shkoi kamunist u kthye. Asnje lidhje me artin. Zero talent. Por Partia I dha doren dhe e mori ne gjirin (cicën) e saj te kuqerremte. Kush e rruante sqetullen per artin ? .. Shih aksidentin tjeter qe ben autopoezi vetes si "artist" Edvin alias Mustafa ?! Nga ta kapësh talent ? Kulture? Karakter? Po partia e kaliti me mesimet e saj dhe pregatiti si kuadro te se ardhmes. Dhe ai u be pikturisti I tabeles se emulacionit kriptokomunist...nejse poeti Faslli na buzeqesh nga lart .Cma prishni diten ne parajse me emra qensh te kuq..RIP
Faslli Haliti nuk ka qenë vetëm një poet shumë italentuar, por edhe një piktor indër më të talentuarit e kohës së tij. Atij nuk e pati mundësinë që të vazhdonte studimet jashtë për artet figurative siç e patën ca piktorë fare të patalentuar , prandaj ju kushtua më shumë letërsisë . Kam pasur rastin që të shoh punimet e tij në artet figurative, e më kanë tërhequr po aq sa edhe poezitë e tij