Shtëpia muze e Zekajve në Lezhë është rrënuar.
Goditjen e fundit ia ka dhënë tërmeti i 26 nëntorit. Gjithçka që ka mbetur prej saj janë disa pjesë muresh, që rrezikojnë dita-ditës të shemben.
Kjo është gjendja në shtëpinë muze të Zekajve në lagjen ‘Sheher’ të Lezhës e klasifikuar monument kulture. Banesa mbi 200 vjeçare dhe mjaft e veçantë, për strukturën e saj në të gjithë veriun e vendit, nuk e pati asnjëherë vëmendjen e Ministrisë së Kulturë.
Edhe pse ka ngritur alarmin tek ky institucion për ndërhyrje imediate, Përgjegjësi i Trashëgimisë Kulturorë në Lezhë, Paulin Zefi thotë se kthimi në identitet do të ketë një kosto shumë të lartë.
Shtëpia e Zekajve, e shpallur monument kulture, rrezikoi nga amortizimit të zinte poshtë edhe ndonjë prej vizitorëve, që i drejtohej me kureshtje. Fatin e saj e ka edhe shtëpia Muze e Mlikajve, e cila ndodhet në qendër të qytetit, por që i ka rezistuar dy tërmeteve.
Turistët e huaj kanë shfaqur interes për të vizituar ndërtesën e rrallë edhe pse tashmë, është e mbuluar me ferra.
© SYRI.net