E ardhmja e shërbimit të klientëve online quhet ‘Ipervox’. Një startup aktiv në fushën softuer për aplikimet e zërit, themeluar nga tre të rinj italianë me origjinë shqiptare. Ipervox shpërndan përmbajtje kudo ku njerëzit dëgjojnë.

Ai nuk është vetëm një ‘voice assistant’. Ndërveprimet me klientët janë të personalizueshme.  Ipervox është platforma online që lejon këdo, madje edhe ata që nuk dinë të programojnë, të krijojnë aplikacionin e tyre vokal (Skills) brenda një kohe shumë të shkurtër.

Të gjithë mund të zbatojnë aplikacionin e tyre të zërit për t’i lejuar përdoruesit të bashkëveprojnë dhe të marrin informacione, lajme, shërbime të hyrjes dhe në fund të bëjnë blerje.

Amazon, (Amazon Alexa) dhe Google po mbizotërojnë këtë teknologji duke ofruar pajisje që quhen ‘smart speakers’ dhe ‘voice assistants’. Dhe duke pasur parasysh lehtësinë e aksesit që ofron kjo teknologji përmes informacionit, pozicionimi midis përdoruesit dhe markës nënkupton kontrollin e tregut të së ardhmes.

Tregu i ‘Ipervox-it’ është ende një terren i pashpjeguar dhe potenciali i tij qëndron pikërisht në vizionin që do të ketë ky realitet i ri në tregjet për ‘content creators’ dhe ‘e-commerce’. “Tregu i software-it të ‘content marketing-ut’, ka një rritje mesatare vjetore prej 18% dhe ka një vlerë totale të vlerësuar të tregut mbi 13 miliardë deri në vitin 2026”, sipas Reuters.

Sot kompania po përgatitet për të parin ’seed capital-in’ e saj përmes investitorëve të huaj dhe italianë (profesionistë dhe ndërmarrës IT me një histori dhe rekord personal të njohur nga tregu) të cilët besojnë në këtë projekt novator dhe duan të kontribuojnë konkretisht në rritjen e Ipervox duke rritur rrjetin e kontakteve përtej ‘partnershipe’ të reja të mundshme strategjike dhe industriale.

“Jemi shumë të gëzuar që kemi në bord LVenture Group, Uplift Albania dhe mbështetjen e EU for Innovation të cilët ndajnë me ne vizionin e një të ardhme në të cilën zëri do të jetë shtrirja të voluntas njerëzorë që merr formë, pak nga ajo ‘abracadabra’ që na rrëmbente në historitë kur ishim fëmijë. Sot me Ipervox mund të bashkëveproni me klientët ose audiencën e juaj në një mënyrë personale. Me Ipervox kemi revolucionarizuar universin e ‘voice assistant’ duke i bërë më të lehtë ndërveprimet e përdoruesve, nuk keni nevojë të jeni programues, mjaftojnë vetëm disa hapa për të hyrë në të” – ka deklaruar Juxhin Radhima, themelues dhe drejtues i Ipervox-it, si dhe fituesi italian për ‘Alexa Champions’.

“Fuqia e një ‘voice app’ qëndron në aftësinë e tij për t’u bërë e domosdoshme, për të hyrë plotësisht në rutinën e njerëzve duke krijuar një marrëdhënie shumë intime midis përdoruesit dhe markës. Falë aftësisë biseduese dhe natyralitetit të njohjes vokal të ‘voice assistant’, perceptimi i përdoruesve është ai i bashkëveprimit në një mënyrë personale me markën e referencës.

Në thelb, ne arrijmë të pushtojmë një pjesë të kohës së përdoruesve tanë, duke zgjidhur lehtësisht një problem për ta, duke ofruar sigurimi informacione ose duke argëtuar në një situatë ku kemi pothuajse të gjithë përqendrimin e tyre, ndryshe nga smartphone në të cilin shpesh kalojmë kohë jashtë mërzisë dhe ku vazhdimisht jemi të bombarduar me shpërqendrime.

Unë mendoj se vetëm kjo është e mjaftueshme për të justifikuar çdo investim” tha Armand Sheshori, bashkëthemelues dhe Shef operimi, i cili ka përvojë dekada si business developer me kompani të rëndësishme në fushën EMEA.

“Ky është vetëm hapi i parë, Ipervox konfirmohet si një sfidë e re në një treg ende i paeksploruar, si në aspektin e rritjes së investimeve, ashtu edhe në aspektin të mbledhjes së të ardhurave” – shtoi Anita Likmeta, bashkëthemeluese dhe shefe e komunikimit.