Al Pacino dha një intervistë jashtëzakonisht të sikletshme në “The One Show” mbrëmë në BBC, ku ai harroi se në cilin emision ishte dhe u përpoq të largohej. Legjenda televizive, fitues i çmimit Oskar, ishte i ftuar së bashku me aktorin Logan Lerman, për të promovuar serialin më të ri në Amazon, “Hunters”.

Në një moment intervista u bë tejet e sikletshme, kur 79 vjeçari harroi se në cilin emision ishte.

Ai u shpreh se: “aktori shpesh ëndërron për gjërat që është duke bërë”. Kësaj deklarate Aleks Xhons, moderatori i “ The One Show” iu përgjigj me pyetjen nëse “ai e kishte parë në ëndërr mbrëmjen e kaluar të qënit në emision”.

Paçino nuk diti si të përgjigjej dhe u shfaq konfuz për një moment, pasi kishte harruar në cilin emision gjendej.

Më vonë, ai u përpoq të çohej dhe të ikte, para mbarimit të emisionit, duke thënë: “Unë sa po bëhesha gati të ikja.”

Pavarësisht se intervista nuk shkoi siç pritej, aktori u përball me komente shumë pozitive nga teleshikuesit. Të shumta ishin mesazhet në Twitter që thoshin se Paçino është një person shumë i këndshëm.

Të tjerë thoshin se paraqitja e tij në “The One Show” ishte po aq e pakuptimtë sa të shihje papën në shfaqjen “Deal or no Deal”.

Seriali “Hunters” , i cili ndjek një skuadër ndjekësish të nazistëve në New York-un e viteve ‘70 , do të publikohet në 21 shkurt në Amazon Prime Video. Paçino luan Majër Ofërman, kryetarin e skuadrës, ndërsa Lerman luan një të ri të sapo rekrutuar.