"Xhamia e Plumbit në Berat ngrihet në qendrën e sotme administrative të qytetit. Ajo është ndërtuar nga feudali vendas Ahmed Bej Uzgurliu dhe është një vepër e rëndësishme e arkitekturës së shek. XVI në Shqipëri. Në ndërtimin planimetrik e vëllimor xhamia e Plumbit ka sallën e lutjeve, katrore në plan, me përmasa 10. 15 x 10. 20 m, portikun e mbyllur dhe minaren.
Në brendësi xhamia karakterizohet nga vëllimi unik statik e ndriçuar bollshëm, që përftohet menjëherë. Dikur brendësia ka qenë e suvatuar me një patinaturë gëlqereje në ngjyrë të kuqerremtë, të njëjtë me atë të faqes së jashtme veriore. Më vonë, në pjesët e rëna, që përbënin shumicën, u bë një suvatim i ri, që u zbukurua me piktura me motive bimore.
Marrë nga libri “Xhamitë e Shqipërisë".
© SYRI.net