Instituti i Monumenteve të Kulturës shprehu trishtimin e madh për zjarrin që përfshiu Kështjellën Shuri të Okinawës në Japoni, Pasuri Botërore e UNESCO-s, simbol i këtij qyteti.

"Kështjella, për më shumë se 400 vite, kishte shërbyer si seli e Mbretërve të Ryukyu. Kjo ngjarje ka prekur miliona njerëz, të cilët kanë bashkëjetuar me këtë mrekulli të fesë, artit dhe kulturës.

Mendimet dhe lutjet tona janë me Japoninë dhe me të gjithë adhuruesit e këtij objekti të trashëgimisë botërore," thuhet në njoftimin e Institutit të Monumenteve të Kulturës.